2016-cı ildə Xarici ticarət əlaqələri güclənmişdir.

2016-cı ilin yanvar-fevral aylarında Azərbaycan Respublikasının hüquqi və fiziki şəxsləri dünyanın 132 ölkəsindəki tərəfdaşları ilə ticarət əməliyyatları həyata keçirmiş, 82 ölkəyə məhsul ixrac olunmuş, 121 ölkədən idxal olunmuşdur. Biznesmen.az Statistika Komitəsinin saytına istinadən xəbər veri ki, ticarət dövriyyəsinin 47,7 faizi Avropa İttifaqı ölkələri, 9,4 faizi MDB üzvü dövlətləri, 42,9 faizi isə dünyanın digər ölkələrinin payına düşmüşdür.
Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2016-cı ilin yanvar-fevral aylarında xarici ticarət dövriyyəsi 2829,4 milyon ABŞ dolları, o cümlədən ixracın dəyəri 1849,5 milyon dollar, idxalın dəyəri 979,9 milyon dollar təşkil etmiş, nəticədə 869,6 milyon dollarlıq müsbət ticarət saldosu yaranmışdır.
İxrac edilmiş məhsulların ümumi dəyərində xam neft, neft məhsulları, təbii qaz, meyvə-tərəvəz, plastik kütlə, alüminium və ondan hazırlanan məmulatlar, qara metallar və onlardan hazırlanan məmulatlar, şəkər, kimya sənayesi məhsulları, bitki yağlarının, idxal olunmuş məhsulların dəyərində isə maşın, mexanizm, elektrik aparatları, avadanlıqlar, qara metallardan hazırlanan məmulatlar, ərzaq məhsulları, əczaçılıq məhsulları, plastik kütlə və ondan hazırlanan məmulatlar, nəqliyyat vasitələri və onların hissələrinın xüsusi çəkisi üstünlük təşkil etmişdir.


  • Haqqımızda

    Biznesmen.az Azərbaycanda sahibkarlığın mövcud vəziyyətinin daha da sürətlənməsi üçün fəaliyyət göstərməkdədir. Ölkədəki sahibkarlar biznesmen.az vasitəsi ilə dünyada və ölkədə biznes və alt ixtisaslarda nələrin baş verdiyini, nə kimi yeniliklərin olduğunu oxuya bilər, ölkəmizdə olan və dünya mütəxəssislərinin reportajlarını dinləyə bilər, sahibkarları yaxından maraqlandıracaq mövzularla baş tutacaq radio verlişlərimizi dinləyə bilərlər. Bizneslə bağlı maraqlı verlişləri, saytımızdan və sosial şəbəkədə olan hesablarımızdan izləyə bilərlər. 

  • Seçilmiş yazılar

  • Twitter yazıları