Bu bölgələrdə sahibkarlar üçün treninqlər keçirilib

İqtisadiyyat Nazirliyinin Bakı Biznes Tədris Mərkəzinin regional nümayəndəliklərinin təşkilatçılığı ilə Gəncə, Şəki və Bərdədə gənclər və sahibkarlar üçün treninqlər keçirilib.

“Heyətin idarə edilməsi”, “Kurortların inkişaf perspektivləri”, “Made in Azerbaijan” brendinin yaradılması və inkişafı”, “Sahibkarlıq fəaliyyətinin inkişafında elektron xidmətlərin rolu” və “Ekoloji təmiz kənd təsərrüfatının inkişafı” mövzularını əhatə edən treninqlərdə kadr planlaşdırılması, heyətin motivasiyası və peşə hazırlığı səviyyəsinin yüksəldilməsi, “Azərbaycan Respublikasında 2009-2018-ci illərdə kurortların inkişafına dair Dövlət Proqramı”, beynəlxalq standartlara cavab verən sanatoriya, kurort və pansionatların yaradılması, kurort infrastrukturunun inkişaf etdirilməsi və s. barədə məlumat iştirakçıların diqqətinə çatdırılıb.

Treninqlər çərçivəsində həmçinin, İqtisadiyyat Nazirliyi tərəfindən göstərilən elektron xidmətlər, “Lisenziyalar və icazələr” portalından (www.lisenziya.gov.az) istifadə qaydaları, Apellyasiya Şuraları, sahibkarların təkrar şikayətlərinə baxılması prosedurları barədə geniş məlumat verilib, mövzular üzrə təqdimatlar keçirilib, iştirakçıları maraqlandıran suallar cavablandırılıb.


  • Haqqımızda

    Biznesmen.az Azərbaycanda sahibkarlığın mövcud vəziyyətinin daha da sürətlənməsi üçün fəaliyyət göstərməkdədir. Ölkədəki sahibkarlar biznesmen.az vasitəsi ilə dünyada və ölkədə biznes və alt ixtisaslarda nələrin baş verdiyini, nə kimi yeniliklərin olduğunu oxuya bilər, ölkəmizdə olan və dünya mütəxəssislərinin reportajlarını dinləyə bilər, sahibkarları yaxından maraqlandıracaq mövzularla baş tutacaq radio verlişlərimizi dinləyə bilərlər. Bizneslə bağlı maraqlı verlişləri, saytımızdan və sosial şəbəkədə olan hesablarımızdan izləyə bilərlər. 

  • Seçilmiş yazılar

  • Twitter yazıları