Dünyanın ən dəyərli markaları açıqlandı - 2018

Ceff Bezosun rəhbəri olduğu “Amazon” şirkəti 151 milyard dollarlıq marka dəyəri ilə ən dəyərli brend seçilib.

Bu barədə hər il “Brand Finance” tərəfindən açıqlanan “Dünyanın ən dəyərli 500 markası-Global 500” siyahısında qeyd olunub.

 

Keçən il 106,4 milyard dollarlıq marka dəyəri ilə üçüncü sırada yer alan və dəyərini bu il 150 milyard 811 milyon dollara yüksəldən “Amazon” dünyanın nəhəng markalarını geridə qoyaraq siyahının birinci pilləsində qərarlaşıb.

2017-ci ilin qiymətləndirilməsi zamanı 107 milyard dollarlıq marka dəyəri ilə ikinci olan “Apple” bu ildə yerini qoruyub. Marka dəyərini 36,6% artıraraq 146,3 milyard dollar səviyyəsinə çatdırıb.

“Apple”dan sonrakı sırada, yəni üçüncü pillədə isə “Google” qərarlaşıb. Halbuki, şirkət ötən il “Brand Finance”nin tərtib etdiyi siyahıda ön pillələri tuturdu.

Siyahının 4-cü pilləsində isə marka dəyərini 39,4% artıran Cənubi Koreyanın “Samsung” şirkəti tutub. 92,3 milyard dollarla. Son zamanlar radikal qərarları ilə gündəmdən düşməyən “Facebook” isə marka dəyərini 44,7% artıraraq 89,7 milyard dollara çatdırıb.

Təəssüf ki, araşdırmanın nəticələrində isə, nə türk, nə də Azərbaycan markası yer alıb.

Facemark.az


  • Haqqımızda

    Biznesmen.az Azərbaycanda sahibkarlığın mövcud vəziyyətinin daha da sürətlənməsi üçün fəaliyyət göstərməkdədir. Ölkədəki sahibkarlar biznesmen.az vasitəsi ilə dünyada və ölkədə biznes və alt ixtisaslarda nələrin baş verdiyini, nə kimi yeniliklərin olduğunu oxuya bilər, ölkəmizdə olan və dünya mütəxəssislərinin reportajlarını dinləyə bilər, sahibkarları yaxından maraqlandıracaq mövzularla baş tutacaq radio verlişlərimizi dinləyə bilərlər. Bizneslə bağlı maraqlı verlişləri, saytımızdan və sosial şəbəkədə olan hesablarımızdan izləyə bilərlər. 

  • Seçilmiş yazılar

  • Twitter yazıları